സംരംഭങ്ങൾ

11

സ്കോളർഷിപ് പദ്ധതി അനാഥത്വം നൽകിയ അനിശ്ചിതത്വങ്ങൾക്കിടയിൽ തണലു തേടിവന്ന കുരുന്നു വിദ്യാർത്ഥി, വിദ്യാർത്ഥിനികൾക്ക് ധാർമിക ഭൗതിക വിദ്യാഭ്യാസതോടൊപ്പം താമസം ഭക്ഷണം വസ്ത്രം ചികിത്സ തുടങ്ങി മികവുറ്റ സൗകര്യങ്ങൾ നൽകി സംരക്ഷിച്ചു പോരുന്ന മഹത്തായ ഒരു സ്ഥാപനമാണ് ദാറുന്നുജൂം ഓർഫനേജ് പേരാമ്പ്ര. 1971ൽ പരിമിത സൗകര്യങ്ങളോടെ ആരംഭിച്ച ഈ സ്ഥാപനത്തിന്റെ കീഴിലിപ്പോൾ ഹെവൻസ് പ്രീ സ്കൂൾ , എൻ ഐ എം നഴ്സറി സ്കൂൾ, എൻ ഐ എം എയ്ഡഡ് എൽ പി സ്കൂൾ, ദാറുന്നുജൂം സെക്കണ്ടറി മദ്രസ, ഡിഗ്നിറ്റി ആർട്സ് & സയൻസ് കോളേജ്, പേരാമ്പ്ര ടൗണിലെ മസ്ജിദുന്നൂർ, ക്യാമ്പസ് മസ്ജിദ് ,വെള്ളിയൂർ ജുമാ മസ്ജിദ് തുടങ്ങിയ സ്ഥാപനങ്ങൾ മികച്ച രീതിയിൽ പ്രവർത്തിച്ചുവരുന്നു. ദൈവാനുഗ്രഹത്തോടൊപ്പം സുമനനസ്സുകളുടെ നിർലോഭ സഹായ സഹകരണമാണ് സ്ഥാപനത്തിന് ഈ വികാസം സാധ്യമാക്കിയത്. ദാറുന്നുജൂമിൽ നിന്നും പത്താംതരം പൂർത്തിയാക്കിയ കുട്ടികൾക്ക് വിവിധ കലാലയങ്ങളിൽ ഉപരിപഠനം നടത്തുന്നതിനാവശ്യമായ പിന്തുണ നൽകുന്ന പദ്ധതിയാണ് ദാറുന്നുജൂം സ്കോളർഷിപ്പ്. അക്കാദമിക രംഗത്തെ വിദഗ്ദ്ധരുടെ മേൽനോട്ടത്തിൽ കുട്ടികളുടെ ശേഷികളും അഭിരുചികളും വിലയിരുത്തിയ ശേഷമാണ് തുടർപഠനത്തിനുള്ള കോഴ്‌സ്, സ്ഥാപനം എന്നിവ തിരഞ്ഞെടുക്കുന്നത്. ഹയർ സെക്കന്ററി ഡിഗ്രി, പി.ജി, വിവിധ പ്രഫഷനൽ കോഴ്സുകൾ ഉൾപ്പെടെ കേരളത്തിന് അകത്തും പുറത്തുമായി വ്യത്യസ്ത സ്ഥാപനങ്ങളിൽ ഇരുപത്തേഴ്‌ വിദ്യാർഥികൾ ഉപരിപഠനം നടത്തി വരുന്നു. ഈ പദ്ധതിയിൽ ഉൾപ്പെട്ട മുഴുവൻ കുട്ടികൾക്കും മികച്ച പഠന സൗകര്യം ഒരുക്കാൻ കമ്മിറ്റി പ്രത്യേക ശ്രദ്ധ ചെലുത്തുന്നു. ഓരോ കുട്ടിയും സ്വയം പര്യാപ്തത കൈവരിക്കുന്നതോടൊപ്പം കുടുംബത്തിനും സമൂഹത്തിനും തണലാവുന്ന വിവിധ വളരാൻ ആവശ്യമായ പിന്തുണ നൽകുക എന്നതാണ് ഈ പദ്ധതിയുടെ മുഖ്യ ലക്ഷ്യം. ഹോസ്റ്റലിൽ താമസിച്ച് പഠിക്കുന്നവർക്ക് പ്രതിമാസം 5000 രൂപ ഭക്ഷണം, താമസം എന്നീ ഇനത്തിൽ മാത്രം ചിലവ് വരുന്നുണ്ട്. വിവിധ കോഴ്‌സുകൾക്കുള്ള ട്യൂഷൻ ഫീസുകൾ ഇതിന് പുറമെ വരുന്നു. സുമനസ്സുകളുടെ പിന്തുണയിൽ പ്രതീക്ഷയർപ്പിച്ച് മുന്നോട്ട് പോവുന്ന ഈ അനാഥ സംരക്ഷണ പദ്ധതിയെ താങ്കളുടെ സകാത്ത്- സദഖകളുടെ ഗണ്യമായ വിഹിതം നൽകി സഹായിക്കണമെന്നഭ്യർത്ഥിക്കുന്നു.

ലൈഫ് കെയർ അനാഥത്വം നൽകിയ അനിശ്ചിതത്വങ്ങൾക്കിടയിൽ തണലു തേടിവന്ന കുരുന്നു വിദ്യാർത്ഥി, വിദ്യാർത്ഥിനികൾക്ക് ധാർമിക ഭൗതിക വിദ്യാഭ്യാസതോടൊപ്പം താമസം ഭക്ഷണം വസ്ത്രം ചികിത്സ തുടങ്ങി മികവുറ്റ സൗകര്യങ്ങൾ നൽകി സംരക്ഷിച്ചു പോരുന്ന മഹത്തായ ഒരു സ്ഥാപനമാണ് ദാറുന്നുജൂം ഓർഫനേജ് പേരാമ്പ്ര. 1971ൽ പരിമിത സൗകര്യങ്ങളോടെ ആരംഭിച്ച ഈ സ്ഥാപനത്തിന്റെ കീഴിലിപ്പോൾ ഹെവൻസ് പ്രീ സ്കൂൾ , എൻ ഐ എം നഴ്സറി സ്കൂൾ, എൻ ഐ എം എയ്ഡഡ് എൽ പി സ്കൂൾ, ദാറുന്നുജൂം സെക്കണ്ടറി മദ്രസ, ഡിഗ്നിറ്റി ആർട്സ് & സയൻസ് കോളേജ്, പേരാമ്പ്ര ടൗണിലെ മസ്ജിദുന്നൂർ, ക്യാമ്പസ് മസ്ജിദ് ,വെള്ളിയൂർ ജുമാ മസ്ജിദ് തുടങ്ങിയ സ്ഥാപനങ്ങൾ മികച്ച രീതിയിൽ പ്രവർത്തിച്ചുവരുന്നു. ദൈവാനുഗ്രഹത്തോടൊപ്പം സുമനനസ്സുകളുടെ നിർലോഭ സഹായ സഹകരണമാണ് സ്ഥാപനത്തിന് ഈ വികാസം സാധ്യമാക്കിയത്. അനാഥ മക്കൾക്ക് കുടുംബത്തോടൊപ്പം തന്നെ താമസിച്ച് പഠിച്ചുവളരാൻ സാഹചര്യമൊരുക്കുക എന്ന ലക്ഷ്യത്തോടെ ഓർഫനേജ് കമ്മിറ്റി ആവിഷ്കരിച്ച പദ്ധതിയാണ് ദാറുന്നുജൂം ലൈഫ് കെയർ. കമ്മിറ്റിക്ക് കീഴിലുള്ള വിദഗ്ധ സമിതി ഈ പദ്ധതിയിൽ രജിസ്റ്റർ ചെയ്ത കുട്ടികളുടെയും കുടുംബത്തിന്റെയും സാമൂഹിക, സാമ്പത്തിക സാഹചര്യങ്ങൾ മനസ്സിലാക്കി തികച്ചും അർഹരെന്ന് കണ്ടെത്തുന്നവരെയാണ് പദ്ധതിയിൽ ഉൾപ്പെടുത്തുന്നത്. പഠനം, ഭക്ഷണം, വസ്ത്രം തുടങ്ങിയ അടിസ്ഥാന ആവശ്യങ്ങൾക്കുള്ള മാസാന്ത സാമ്പത്തിക സഹായം, വൈജ്ഞാനിക ധാർമിക വളർച്ചക്കാവശ്യമായ അവധിക്കാല ക്യാമ്പുകൾ, പഠനയാത്രകൾ എന്നിവക്ക് പുറമെ അത്യാവശ്യ ചികിത്സാ സഹായങ്ങളും രക്ഷാകർതൃ ശാക്തീകരണത്തിന്റെ ഭാഗമായുള്ള സ്വയം തൊഴിൽ പദ്ധതി മാർഗ്ഗനിർദ്ദേശങ്ങൾ, ഫാമിലി കൗൺസിലിംഗ് എന്നിവയും ഈ പദ്ധതിയിൽ ഉൾപ്പെടുന്നു. മഹല്ല് സംവിധാനങ്ങൾ, മറ്റ് പൊതു സംവിധാനങ്ങൾ എന്നിവയിലൂടെയാണ് പദ്ധതിയുടെ കാര്യക്ഷമത ഉറപ്പ് വരുത്തുന്നത്. 2021 ൽ ആരംഭിച്ച ഈ പദ്ധതിയിൽ നിലവിൽ 65 അനാഥ മക്കൾ ഗുണഭോക്താക്കളാണ്. ഒരു വർഷത്തേക്ക് ഒരു കുട്ടിക്ക് 30,000 രൂപയാണ് ചിലവ് കണക്കാക്കുന്നത്. ഈ പദ്ധതി അർഹരായ എല്ലാവരിലേക്കും എത്തണമെന്നാണ് കമ്മിറ്റി ലക്ഷ്യം വെക്കുന്നത്. സുമനസ്സുകളുടെ അകമഴിഞ്ഞ പിന്തുണയിൽ പ്രതീക്ഷയർപ്പിച്ചു കൊണ്ട് മുന്നോട്ട് പോവുന്ന ഈ അനാഥ സംരക്ഷണ പദ്ധതിയെ താങ്കളുടെ സകാത്ത്- സദഖകളുടെ വലിയ വിഹിതം നൽകി സഹായിക്കണമെന്നഭ്യർത്ഥിക്കുന്നു.